خسيـتـي لعنـبـو جدك ؛ خسـيـتـي والـغلــط يـنعاب
.......................... خسيتي واقلبي وجهك ؛ ولا كلمه ؛ ولا اجابه

خسيـتي والـزمـي حــدك ؛؛؛ تـراهــا ضـاعــت الآداب
.......................... انا لا طـــاشت جنوني ؛ يعرف الجاهـل آدابـه

وش المـغـزا مــن الكلـمـه وش الداعي!! وش الأسباب !!
......................... وهرج الكذب والتجريح !!! قوليلي وش اسبابه

أنـا الشـرهـه عـلي إنـي فتحـت لخافـقـي كــم بـاب
.......................... ولكن مثل ماجيتي !!! ترا وسع الجمـل بــابـه

خـذي نفسـك معـك بــرا ؛ ثــم انقلـعي بــدون إيــاب
.......................... فمان الله ؛ والا اقول :: فمان ابليس واصحابه

تحسبيـنـي عـلـى فـرقـاك أبـنــدم وأغـرق الأهــداب
.......................... أنا مبسوط يوم إني ؛؛ طردت الشــوؤم وغرابه

أنــا مـا أعـاشـر الخـايـن.. ولا أسـمـع هـرجـة الـكـذاب
........................... ومثلك قيمته عنـدي تحـت الزيـرو حســــابـه


رفعتي خشمك الواطي 0 وغرك زينك الخلاب

................................ ترى والله ماحرك جمالك نظرة إعجابه


تغطرستي على الفاضي 0 وانتي من عـلـقّ وتراب
......................... ومصير ابن آدم المسكين 0 يدمدم فوقه ترابه


هــذاك الـلـي تحبيـنـه ؛ حـقـيـر و خـكــري ولـعــاب
....................... عاجبك إن قذلته شقراء ويميّل بالشعـر كــابـه

صحـيـح أنــه حقـيـر و زيــن . وشكـلـه للنـسـاء جـذاب
....................... تشّبه بأخــته فــلانـه ؛؛ ومنهـا الـدم متــشابـه

وأنـا مانيـب حـــرف الـجـر ؛؛ تجريـنـه عـلـى الأعــراب
.....................أنا حرف(ن) جزم نفسه ؛ و مثلي يصعب أعـرابــه

تشـوم النفـس عــن زيـنـك عـقـب مـاطـاح فيـهـا ذبـاب
........................ وأنا حرٍ(ن) ولد حـرٍ ؛؛ تركــت الزيـن لــ ذبـــابه

أنـا يابنـت مــن ربــع(ن) لـهـم فــوق الفـــخـر مـحـراب
.......................... أنا من روق ياخبله ؛؛ وربعي الهيلا أعتابه


أنــا شـيـخ(ن) ولــد شـيـخ ؛ بـذكـره تنـعـم الأنـساب
........................ وقليل الأصــل يافلانه !!!! يراجع دفتـر أنسابـه

ولـد شيـخ(ن) وسـط ربـعـه لـه بـين الـرجـال حـسـاب
......................... إليـا ضــاقت به الدنيـا ؛؛ يهـز الأرض مشعابـه

محنكـ أنـا عـلـى الطيـبـه مــن يـومي صغـيـر وشــاب
........................ أجل : وش رأيك بطـفل(ن) دلال القهـوه العــابـه

تـرى بــدري عـلـى مثـلـك تعـيـب وساسـهـا مـعـيـاب
........................ يــاليت اللي يعيبني ؛؛ يحـــاول يستـر اثـيابـه

أنــا ليا جتـنـي الـزلـه ؛ مــن الجـــاهـل وهـــو كـذاب
........................ تركت القــافله تمشي ؛؛ وراهـا تنـبـح كــلابـه

وأنــا ليـامـن كـشـفت إن الـخـوي أصـبـح لـسانه داب
........................ نزعت الســم من عرقه.. وكسرت بمخلبي نابـه

خــلاص الـيـوم يافـلانـه ؛ كرهـتـك والقـلـوب أغــراب
........................وترى كل طير(ن) بكبد الســـماء يشبع بمخلابـه

خـســــاره !!! مثـلـك بقـلـبـي يتـوج ســيد الأحبــــاب
........................ وخساره غلـطة العاشق ؛ يحطك أول أحبــــابـه

بعـد هـذا تبيـن أرجــع لأجــل عيـنـك نصـيـر أصـحـاب
........................ خسيتي واقلبي وجهك !!! ولا كـلمه ؛ ولا اجـابـه

//

يســـــــــــــــــلم راسك يا نبض المشاعر


وصح لسنك على ذا الكلمه الجميل والقصيد جزله وادري من رجال جزل

ولا هنت على ذي القصيد

وتقبل مروري اخوك / سالم بن حماد الغريري الدوسري

صـح لسـااانك ..

رووعــــه ..

تسلم الأنامل ع المنقـول الرووعهـ ..

دمـت ..’

صح لسانك


ولا هنت على القصيده

واصل امتيازك

[ صح لسانك يالغلا .. ولاهنت ]

سلمت يمناك ع القصيده الرائعه ..

ونترقب المزيد من الإبداع ..

تقبل خالص تحياتي وتقديري

صح لسانك أخوي نبض المشاعر
صدق انها طاعه هذي الكلمات من الخاطر

والله لا يحرمنا من يديدك

صح لسانك

ومشكوووووووووور