كل شبر بهالوسعيـه ملـك ربـي تعلميـن..." - |[ مُنتديـآت نبض المشـاعر ]|

hάทoo · 31-05-2009, 11:54 PM

السلام عليكم..,

قصيده تعبر عن قصه حقيقيه
عاشها الشاعر حيث أنه كان
جالس ومقابله بنت جميله
تحق فيه بدون حياء
فكتب هالقصيده..,
.
,
.
كل شبر بهالوسعيـه ملـك ربـي تعلميـن
وأعلم إن اللي خلقني هو خلق لـك هالعيـون

لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون

لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون

ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون

وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون

وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون

وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون

قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافـ وبيـن نــون

وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون

يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون

فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون

وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يفقـهـون

بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون

وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون

يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟
.
,
.

مع أرق أمنياتي

М!Ss ĐĻ3 · 01-06-2009, 10:14 PM

رائعه جدا
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون

إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

يلا مسينكه البنوته

يسلو هنوو ياعسلز

hάทoo · 02-06-2009, 10:43 AM

الاروع هو مروركـ العسلز..,

شكريآآ دلع نورتي متصفحي..,

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آآآآآآه "" مسجات فراق ووداع "" آآآآآه	قلب طفله	≈ آلرسآئل آلـ قصيرهـ وَ آلـ وسآئط 灬	1	01-07-2009 04:58 AM
":" أكرهك لكني اجدك جزءا مني ":"	~ أمير الحب ~	≈ مساבــة بيضــاء 灬	4	03-12-2008 01:02 AM
" حصري وأنفراد " مسلسل { Jericho } " الموسم الأول والثانى " + الترجمة	LEGEND	≈ المُسلسلـآت وَ الـأفـلآم 灬	9	25-08-2008 04:41 AM
""النآس أجنآس [ وَيآقلب لآتحزن ]""	[ بَـسْـمَـةْ آلِـمِ ]	≈ مساבــة بيضــاء 灬	2	01-08-2008 02:34 PM
""%%"" عضوين عضوتين ""%%""	الخيالي	≈ مساבــة بيضــاء 灬	12	01-08-2007 06:25 PM

الذين يشاهدون محتوى الموضوع الآن : 1 ( الأعضاء 0 والزوار 1)

(إظهار الكل) الأعضاء الذين شاهدوا الموضوع : 5
М!Ss ĐĻ3 , لسعة شقاوه, hάทoo, غريق الحنان, قلب طفله

الإهداءات
βiŝчoǒ من نبضُ مششآعري ؛ : وحشَتني سوآليفك .. وحششَة شُوفتكْ آكثَر ليلَه مع طيفُكْ , حبيبُ الروح آنآ أتحسّر إضافة إهداء